|
қиларди. Шундан сўнг Аллоҳ Таоло уларнинг яна бир талашиб-тортишишлари ҳақида гапирди. Улар ўзларининг қиблалари хусусида талашиб-тортишардилар. Насоролар ўзларининг қибласини яхши деса, яҳудлар ўзларининг қибласини яхши дердилар. Бу муборак оятда Аллоҳ Таоло яхшилик ҳамма эзгуликлару тоатларни ўзида қамраб олган сўз эканини, у қандайдир тарафга юзланиш эмас, имон келтириш, яхши ишларни қилиш, Аллоҳга холис тоат қилиш эканини баён қилди.
Яхшилик бу Аллоҳга, охират кунига, фаришталарга, Китобга, пайғамбарларга ҳеч қандай шак-шубҳа аралашмаган, мустаҳкам, барқарор имон келтирмоқдир. Яхшилик бу ҳожатмандларга садақа қилмоқ, қариндошларни бориб кўрмоқдир. Яхшилик бу намоз ўқимоқ, закот бермоқ ҳамда Аллоҳга берилган барча эзгуликлар борасидаги аҳдларни бажармоқдир. Яхшилик бу камбағалликда ҳам, қийинчиликда ҳам, касалликда ҳам, озорланаётганда ҳам, жиҳодда ҳам, душманга рўбарў бўлганда ҳам, ҳамма-ҳамма ҳолатда садоқатли сабр қилгувчилардан бўлмоқдир.
Унинг аҳли содиқлар ва тақводорлар, деб тавсифланган яхшилик мана шудир.
الَّذِينَ صَدَقُوا وَأُولَـئِكَ هُمُ الْمُتَّقُونَ
(Ана ўшалар чин имонли кишилардир ва ана ўшалар асл тақводордирлар).
Ўтган гаплардан қуйидагилар тушунилади:
1- Ислом икки нарсадир, яъни, имон ва шаръий ҳукмлардир.
а) Имон бу қатъий тасдиқлаш талаб қилинган барча ишлардир. Имон бу исломий ақидадир. Имон бу Аллоҳга, У Зотнинг фаришталарига, китобларига, пайғамбарларига, охират кунига, яхшилигу ёмонлик қадарданлигига ишонмоқдир. Умар р.а. ривоят қилган ҳадисда Жаброил а.с. Пайғамбар с.а.в.нинг саволларига мана шундай жавоб бергани ҳақида Бақара сурасининг дастлабки оятлари тафсирида тўхталиб ўтгандик.
б) Шаръий ҳукмлар тил билан ёки бошқа аъзо билан бажарилиши талаб қилинган ишлардир.
Мана шу икки нарса билан яъни, имон ва солиҳ амал билан мусулмон расо мусулмонга айланади. Бу икки иш кўп оятларда келган.
إِلَّا الَّذِينَ آمَنُوا وَعَمِلُوا الصَّالِحَاتِ
– „Фақат имон келтирган ва яхши амаллар қилган зотлар…“. [103:3]
Яъни, исломий ақидага имон келтириш ва шаръий ҳукмларга риоя қилиш.
85-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208